Եկել է Ղարաբաղի հարցով գործնական քայլեր ձեռնարկելու ժամանակը. Բյուլբյուլօղլու

Ռուսաստանում Ադրբեջանի դեսպան Փոլադ Բյուլբյուլօղլին «ՏԱՍՍ» գործակալությանը տված ծավալուն հարցազրույցում անդրադարձել է ռուս-ադրբեջանական հարաբերություններին և ղարաբաղյան հակամարտությանը:

Պատասխանելով այն հարցին, թե ղարաբաղյան հակամարտության կարգավորման ինչ ուղիներ է տեսնում դեսպանը, Փոլադ Բյուլբյուլօղլին պատասխանեց, որ եկել է գործնական քայլեր ձեռնարկելու ժամանակը. «Ինչպես մշտապես ընդգծում է ադրբեջանական կողմը, եկել է հակամարտությունը լուծելու գործնական քայլեր ձեռնարկելու ժամանակը: Առկա ստատուս քվոն ... անընդունելի է: Դա էին նշում նաև ԵԱՀԿ ՄԽ համանախագահող երկրների ղեկավարները 2009−2013 թթ. Հիմա պետք է պայմաններ ապահովել առարկայական բանակցություններ տանելու համար՝ իրական արդյունքների հասնելու նպատակով, ինչի համար քաղաքական կամք է անհրաժեշտ: Ընդգծեմ է ևս մեկ անգամ, որ բանակցությունները պետք է առարկայական բնույթ կրեն: Դա հենց այն դեպքն է, երբ կարևոր է արդյունքը, ոչ թե գործընթացը», - ասաց նա:

Zham.am