Սեյրան Սարոյան. Թուրքի դեմ կարում ենք պայքարենք, կարկուտի դեմ չենք կարում (Տեսանյութ)
ԱԺ ՀՀԿ խմբակցության պատգամավոր, գեներալ Սեյրան Սարոյանն այսօր՝ հունիսի 21-ին, Ազգային Ժողովում Կառավարության ծրագրի քննարկման ժամանակ վարչապետի ուշադրությունը հրավիրեց կարկուտից տուժած գյուղացիներին օգնություն ցուցաբերելու խնդրին: Նա վարչապետին խնդրեց կարկուտից տուժած գյուղացիներին ցուցաբերվող օգնության գործընթացն արագացնել, որպեսզի նրանք կրկին արտագնա աշխատանքի ճանապարհը չբռնեն:
«Ես մի հատ հարց ունեմ, ավելի շուտ խնդրանք: Տեսաք Էջմիածնում կարկուտն ինչ արեց, մոտ 11 համայնքներ եւ Էջմիածին քաղաքը ավիրեց սաղ, 7 գյուղ, որ վաբշե, ամեն ինչից զրկված են էդ գյուղերը: Պրոստը, գիտեմ, որ տվել եք հրամանը, որ հաշվարկները նորմալ անեն, շնորհակալություն ձեզ, մենակ, որ շուտ, ինչ-որ մի բանով կարողանանք օգնել գյուղացուն, որ էս վիճակից հանենք: Թե չէ 7 գյուղ կթողի, կեթա Ռուսաստան, դուք գիտեք, որ բանկերը...էնպիսի վիճակում է մեր գյուղացին, որ էլ իրար վկա էլ չկա, որ կանգնեն, որ նորից թազա վարկ վերցնեն: Մեկը պիտի երաշխավորի որ վարկ տան՝ վկա չունենք գյուղերում, կարկուտն էլ եկավ, ավիրեց, թուրքից բեթար ա էդ կարկուտը: Հիմա թուրքի դեմ կարում ենք պայքարել, կարկուտի դեմ չենք կարողանում, պետք է ուժեղ թնդանոթներ դնենք, որ դրա դեմ պայքարենք: Ոնց որ գնանք կռիվ ու ավտոմատի տեղ պիստալետ վերցնենք: Գյուղնախարարն էլ ա տեղյակ էդ մասին՝ ինչքան ինֆարկտ եղավ, գյուղնախարարն է պատասխան տալու էս ժողովրդի համար»,-ասաց նա:
Տեսանյութը՝ A1plus.am-ի: