Արժեր նման հանճարի մասին էսքան երկար ֆիլմ նկարել (տեսանյութ)
Ընդհանրապես աշխարհի ամենախելացի մարդու հարցում երկու կարծիք կա՝ մի կողմը պնդում է, որ դա Նյուտոնն է, իսկ մյուսները Էյնշտեյնին են համար ամենամոզգ մարդը: Երևի մարդու խելացիությունը կախված է նաև տվյալ շրջանի մարդկության գրանցած առաջընթացից (ինչպես Նյուտոնն ա ասում՝ If I have seen further, it is by standing on the shoulders of giants) և էդ տեսանկյունից Նյուտոնի ժամանակ էն ինչի մասին ինքը կարողացել ա մտածի ավելի շատ խելք էր երևի պետք, բայց դե Էյնշտեյնի բախտը բերել է, որ 20-րդ դարում ա ապրել ու արարել, ավելի մեծ հայտնագործություններ ա արել, ու էս պահին կարելի ա վերջինիս համարել ամենամոզգը:
Հանճարը ֆիլմը Էյնշտեյնի կյանքի և իր ապրած ժամանակաշրջանի հետաքրքիր պատմություն է: Արժեր նման հանճարի մասին էսքան երկար ֆիլմ նկարել: Էյնշտեյնը ֆունդամենտալ ձևով փոխել է մարդկության պատկերացումները աշխարհի ու տիեզերքի մասին: Մարդը շատ քիչ ինֆորմացիա ունենալով մտածել ա գրավիտացիոն ալիքների մասին, որը LIGO լաբորատորիայում 100 տարի հետո կարողացել են «բռնեն»:
Ֆիլմում մի հետաքրքիր պահ կա, երբ հանճարն իր ընկերոջը բացատրում է հարաբերականության տեսության մտավոր էքսպերիմենտը լույսի արագության վերաբերյալ և ընկերոջը առաջարկում է պատկերացնել գնացքում, քանի որ իր ժամանակում գնացքը ամենաարագընթաց տրանսպորտի միջոցն էր: Դե պատկերացնում եք լույսի արագությունը մոտ 300 000 կմ վարկյան է, իսկ իր ժամանակի գնացքը 100 կմ/ժամ արագություն չի էլ ունեցել: Պետք է հանճար լինել, որպեսզի մտածես, որ ժամանակ տիեզերքի բոլոր տեղերում նույնը չի, ու արագությունը փոխում է ժամանակը, և դրանով հարաբերական դարձնում այն:
Հանճարը ֆունդամենտալ կերպով փոխել է պատկերացումները ֆիզիկայի մասին, ու դա միայն ֆիզիկայի ոլորտի վրա չի ազդեցություն ունեցել, այլ նաև տարածվել է մարդու կյանքի բոլոր ոլոլոլոլորտների վրա: Այս ֆիլմը մարդկության պատմության հետաքրքիր ու ողբերգալի ժամանակաշրջանի մասին է, որն հետաքրքիր ձևով ներկայացվել է Էյնշտեյնի կյանքի պատմության միջոցով:
Դասի ժամանակ Էյնշտեյնը մի հատ շատ լավ միտք է ասում, որ երբ երիտասարդ էր մտածում էր, որ ամեն ինչ գիտի, բայց հետո հասկացավ, որ սխալ է: Իսկապես հասունացումը նաև հասկանալն է, որ մարդ կարող է սխալ լինել, ու շատ դեպքերում:
Լավ, ոնց որ երկար ստացվեց, վայելեք:
Արմեն Գրիգորյանի Ֆեյսբուքի էջից