Չեմպիոնների լիգայի ժամանակ հրմշտոցի պատճառը՝ «մահապարտ ահաբեկիչները» (տեսանյութ)

Թուրինի Սան Կարլո հրապարակի երկրպագուների գոտում հրմշտոցի պատճառը Չենպիոնների լիգայի եզրափակիչ խաղի դիտման ժամանակ դարձել է երկու դեռահասների կատակը, հաղորդում է «Football Italia»-ն:

Երկու երիտասարդ, որոնք եկել էին դիտելու խաղը մյուս երկրպագուների հետ, որոշել էին կատակել, իրենց մահապարտ ահաբեկիչները տեղը դնելով: Նրանցից մեկը բարձրացրել էր ձեռքերը և սկսել ինչ-որ բան գոռալ:: Վախեցած մարդիկ սկսել են այս ու այն կողմ փախչել, ինչն էլ հրպշտոց է առաջացրել:

Ոստիկանությունում ցուցմունքներ տալու ժամանակ դեռահասներն ընդունեցին իրենց մեղքը:

«Յուվենտուս»-«Ռեալ» ֆուտբոլային եզրափակիչ հանդիպմանը Թուրինի հրապարակում մոտ 20 հազար երկրպագու էր: Հրմշտոցի ընթացքում մոտ 1500 մարդ է տուժել:

«Յուվենտուս»-«Ռեալ» հանդիպումն ավարտվել է 1:4 հաշվով:

Zham.am