ԵԱՀԿ Մինսկի խմբի հայտարարությունը շփման գծում տիրող իրավիճակի մասին
ԵԱՀԿ Մինսկի խմբի համանախագահները հայտարարություն են տարածել՝ շփման գծում վերջին օրերի սրված իրավիճակի մասին:
«Տարբեր վստահելի աղբյուրներից հավաքած տեղեկության համաձայն՝ Ադրբեջանը մայիսի 15-ին շփման գծում հրթիռ է արձակել՝ ոչնչացնելով ռազմական տեխնիկա։ Մայիսի 16-ի երեկոյան և մյուս օրը հայկական զինված ուժերը պատասխանել են տարբեր տրամաչափի ականանետային կրակահերթերով։ Երկու կողմերի նման գործողությունները հրադադարի ռեժիմի լուրջ խախտում ու տագնապի պատճառ են։
ԵԱՀԿ Մինսկի խմբի համանախագահներն ու ԵԱՀԿ գործող նախագահի անձնական ներկայացուցիչը շարունակում են թարմ տվյալներ և վերլուծություններ հավաքել՝ ներկայիս իրավիճակի շուրջ ավելի պարզ պատկեր ստանալու համար։
ԵԱՀԿ Մինսկի խմբի համանախագահները դատապարտում են վերջին օրերին հրադադարի ռեժիմի խախտումները և կողմերին կոչ են անում հարկ եղած քայլերը ձեռնարկել՝ հակամարտության գոտում հետագա լարվածությունից խուսափելու համար», - ասվում է եռանախագահների տարածած հաղորդագրությունում: