Տարածքներ խաղաղություն դիմաց բանաձևը հնարավոր է կյանքի կոչվի. Մամեդյարովը մանրամասներ է բացահայտել
Ադրբեջանի արտգործնախարար Էլմար Մամեդյարովը հնարավոր է համարում հանդիպումը ՀՀ արտգործնախարար Էդվարդ Նալբանդյանի հետ ղարաբաղյան հակամարտության կարգավորման շրջանակներում, հաղորդում է «Ինտերֆաքս Ադրբեջան»-ը:
Վաղ ՀՀ ԱԳ ղեկավար Էդվարդ Նալբանդյանը հայտարարեց, որ հունիսին սպասվում է ԵԱՀԿ Մինսկի խմբի համանախագահների այցը տարածաշրջան, անհրաժեշտության դեպքում կարող է տեղի ունենալ նաև Հայաստանի և Ադրբեջանի արտգործնախարարների հանդիպումը:
«Դա հնարավոր է», - ասաց Մամեդյարովը, մեկնաբանելով Է. Նալբանդյանի հայտարարությունը:
«Ադրբեջանի, Հայաստանի և Ռուսաստանի արտգործնախարարների վերջին հանդիպումից հետո Մոսկվայում ինձ մոտ տպավորություն է ստեղծվել, որ խաղաղությունը հնարավոր է զորքերի դուրսբերման դիմաց կամ խաղաղություն տարածքների դիմաց՝ «land for peace» սկզբունքով: Բանակցային գործընթացի տրամաբանությունը վերջին 12 տարիներին հենց դա է», - ուշագրավ մանրամասներ հայտնեց Մոսկվայում կայացած արտգործնախարարների վերջին հանդիպումից Էլմար Մամեդյարովը:
Zham.am