Սերժին այսքան մանուկների, այսքան զինվորի ծնողների անեծքներն իրեն հասնելու են. մահացած զինվորի բարեկամ (տեսանյութ)

Հունվարի 25-ին մարտական դիրքում հայտնաբերվել էր զինծառայող, շարքային Շավարշ Գալստյանի դին՝ ծնոտի շրջանում հրազենային վնասվածքով: Շավարշն ընտանիքի միակ զավակն էր, եւ նրա մահից հետո մայրը մնաց միայնակ:

Մանրամասները՝ Armtimes-ի տեսանյութում:

Հիշեցնենք ՝ Քննչական կոմիտեի զինվորական քննչական գլխավոր վարչությունում հարուցվել է քրեական
գործ՝ ժամկետային զինծառայող Շավարշ Գալստյանի մահվան դեպքի առթիվ։

Քննչական կոմիտեի զինվորական քննչական գլխավոր վարչությունում հարուցվել է քրեական գործ՝ ժամկետային զինծառայող Շավարշ Գալստյանի մահվան դեպքի առթիվ։ Այս մասին տեղեկացնում է քննչական կոմիտեն

25.01.2017թ.՝ ժամը 08:50-ի սահմաններում, ՀՀ ՊՆ N զորամասի պահպանության տակ գտնվող մարտական դիրքում հայտնաբերվել է պարտադիր ժամկետային զինծառայող, շարքային Շավարշ Հակոբի Գալստյանը՝ ծնոտի շրջանում մահացու հրազենային վնասվածքով:

Դեպքի առթիվ ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնելը), կատարվում է նախաքննություն:

Ձեռնարկվում են անհրաժեշտ քննչական գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ: