Կարեն Կարապետյան են բերել, որ ժողովրդին խաբեն. Արմեն Մարտիրոսյան

Կոտայքի մարզում ՕՐՕ դաշինքը շարունակեց իր քարոզարշավը Չարենցավում, որտեղ Դաշինքի անդամները ծաղիկներ դրեցին «Հայ օդաչուի» հուշարձանին:

Բնակիչների հետ հանդիպման ժամանակ դաշինքի անդամ Արմեն Մարիտրոսյանը խոսեց իշխանության քաղաքականության մասին, որով ցանկանում են մոլորեցնել ժողովրդին: «Կարեն Կարապետյան են բերել, որ ժողովրդին խաբեն: Աշխարհում չկա մի երկիր, որտեղ վարչապետը թիմ չունենա Ազգային ժողովում: Վիգեն Սարգսյան են բերել, Արփինե Հովհաննիսյան, Տարոն մարգարյան, բայց իրեն՞ք են որոշում կայացնողները:Ո՛չ: Որոշում կայացնողը Սերժ Սարգսյանն է: Ուզում են ժողովրդին մոլորեցնել»:

Ելույթով հանդես եկավ նաև Չարենցավանում ռեյտինգային ընտրակարգով առաջադրված «ՕՐՕ» դաշինքի անդամ Գագիկ Հովհաննիսյանը. «Ապրիլի երկուսին կա՛մ իշխող կկարողանա վերարտադրվել և մեզ կեղեքել, կա՛մ մենք կկարողանանք հաղթել և ծաղկեցնել մեր երկիրը»:

Պաշտպանության նախկին նախարար Սեյրան Օհանյանն էլ նշեց. «Մենք պատրաստ ենք կրելու այն ցավը, խմելու դաժանությունների բաժակը, ձեզ հետ միասին առաջ գնալու: Հավատացե՛ք, մենք ձեզ հետ կրելու ենք հաղթանակի բերկրանքը: Մեր երկրին ամուր բռունցք է պետք, մենք կկարողանանք լինել այդ բռունցքը»:

Zham.am