Անհրաժեշտ են բժշկական գործի կառավարիչներ

ՀՀ առողջապահության նախարարությունը հրավիրում է բժշկական հաստատությունների կառավարման ժամանակակից հմտություններին տիրապետող փորձառու մասնագետների կամ կազմակերպությունների (կառավարիչների)` բժշկական հաստատության օպերատիվ կառավարման, զարգացման ծրագրի մշակման և իրականացման, արտերկրյա բժշկական հաստատությունների հետ մասնագիտական հաստատուն ​​կապերի ստեղծման համար:

Վերջիններս պատասխանատվություն պետք է կրեն բժշկական հաստատության կառուցվածքի և ֆինանսավորման վերաբերյալ որոշումների, առողջապահական ծառայությունների գնահատման և արդյունավետության բարձրացման, առողջապահական համակարգի արդյունավետության և որակի բարելավման համար:
Կառավարչի պարտականությունների շրջանակը ներառում է նաև բժշկական հաստատության գործունեության բոլոր ուղղությունների, այդ թվում` բժիշկների, բուժքույրերի և այլ աշխատակիցների կառավարման, հաշվետվությունների կազմման և ժամանակին ներկայացման, բոլոր բաժանմունքների գործունեության արդյունավետության վերլուծության գործառույթներ: Բժշկական հաստատության ղեկավարը պատասխանատու է սահմանված բյուջեի շրջանակներում ընդունված ծրագրերի իրականացման համար:

Կառավարիչը պետք է սերտորեն համագործակցի ՀՀ առողջապահության նախարարության հետ՝ բյուջեի պլանավորման և առողջապահական ծառայությունների համակարգման նպատակով, ներկայացնի հաստատությունը վարչության խորհրդում, զեկուցի մատուցվող ծառայությունների ընթացքի մասին, ինչպես նաև ամիսը մեկ անգամ քննարկի առողջապահության նախարարության հետ:

ՀՀ ԱՆ հորդորում է հետաքրքրված անձանց ակտիվ մասնակցություն ունենալ Հայաստանի առողջապահության համակարգի արդիականացման, մասնավորապես՝ ֆինանսական, տեխնոլոգիական, մարդկային ներուժի և տեղեկատվության կառավարման, արդյունավետ միջոցների ներդրման, մարզերում արդյունավետ վարչական լուծումներ գտնելու գործում, ինչպես նաև ապահովել ոլորտի բարեփոխումների իրականացումը:

Հավակնորդները պետք է ներկայացնեն նամակ-դիմում և մանրամասն ինքնակենսագրություն հայերեն և անգլերեն լեզվով՝ [email protected] կամ [email protected] հասցեով։