Արմեն Մարտիրոսյան. Հայաստանում մարտահրավերները հասել են սպառնալիքի մակարդակի

«Այսօր` փետրվարի 25-ին, մենք սկսում ենք, ըստ էության, մեր պայքարի արշավը և այս համաժողովով սկիզբ ենք դնելու մի գործընթացի, որը Հայաստանը պետք է դուրս բերի այս վիճակից», - այսպես ազդարարեց «Օհանյան–Րաֆֆի–Օսկանյան» դաշինքի համաժողովի բացումը «Ժառանգություն» կուսակցության փոխնախագահ, դաշինքի անդամ Արմեն Մարտիրոսյանը: 

Խոսելով ձևավորված քաղաքական դաշինքից, Արմեն Մարտիոսյանը նշեց, որ այն ստեղծվել է երեք պրոֆեսիոնալ պետական  գործիչների կողմից, որոնք կարողացան միավորել իրենց եռանդը,կամքը և գիտելիքները. «Ստեղծեցինք Հայաստանում եզակի դաշինք»:

Արմեն Մարտիրոսյանը վտահոգություն հայտնեց, որ «Հայաստանում այլևս մարտահրավերներ չկան, Հայաստանում արդեն մարտահրավերները հացել են սպառնալիքի աստիճանի»:

««Օհանյան–Րաֆֆի–Օսկանյան» դաշինքն այն դաշինքն է, որն ոչ միայն ցանկանում է, ոչ միայն կարող է, այլ ունի ամենակարևոր պայմանը` ունի այդ կամքը, առանց կամքի, առանց նպատակասլացության որևէ գործ հաջողություն չի կարող ունենալ», - ասաց նա:

Zham.am